【開心速遞】傻強馮奕森舉行首個粉絲見面會 金城安朱凌凌任嘉賓

無綫高收視處境劇《愛‧回家之開心速遞》正邁向600集,收視和口碑依然強勁,入面有多個角色都深受觀眾同網民的喜愛,當中包括已經慘被out的傻強 (馮奕森 飾)。傻強一角憑住其戇直搞笑的丑角形象深入民心,非常入屋,連帶令到馮奕森的人氣亦大升。可是傻強於2月初播出的505集最後一次出場後,於毫無預兆之下,無聲無息地被消失了,當時不少網民均大呼:「還我傻強!」並紛紛留言以示不滿。雖然傻強已經離開了《開心速遞》三個多月,但大家至今仍沒有忘記他,馮奕森人氣不減。適逢今個月29號是他的31歲生日,他將會舉行一個生日會加首次的粉絲見面會,讓大家可以再一次見到傻強。

傻強形象深入民心。(TVB《開心速遞》電視截圖)

傻強形象深入民心。(TVB《開心速遞》電視截圖)

那麼要怎樣才可以參加到馮奕森今次這個生日會呢?他已於不同的社交網Post了海報宣傳,召集粉絲參加,而參加的辦法好簡單,只需付上港幣$350元的費用就可以了。當晚的節目除了與壽星仔馮奕森一齊開心聚餐之外,還會有表演和小遊戲,與馮奕森有超近距離的互動接觸,更會有神秘嘉賓。而馮奕森日前已於他的IG揭曉了其中兩位嘉賓的名單,就是他於《開心速遞》的兩位好兄弟:飾演金城安的周嘉洛,以及飾演朱凌凌的吳偉豪。不過他的另一位好兄弟,飾演阿壯的焦浩軒卻因為外遊而出席不到,要不然「安凌強壯」就可以Re-union喇。

佢喺佢嘅社交網專頁post了生日會同粉絲會嘅poster。(fb@Sarkisfung)

佢喺佢嘅社交網專頁post了生日會同粉絲會嘅poster。([email protected])

馮奕森於IG留言,搞笑地表示:「唔使講!都知道529要嚟反斗喇!請哂啲兄弟嚟喇!如果佢哋到時真有工作,嚟唔到,唔好話我呃你哋呀!但我保證有我先。」戴定頭盔恐防被班好兄弟「放飛機」。而他今次收取的參加費用將會扣除成本開支後,捐予同心慈善基金會。至於$350元的入場費是貴抑或是抵,就見仁見智喇。

佢話已經叫晒兩位兄弟到時參加。(fb@Sarkisfung)

佢話已經叫晒兩位兄弟到時參加。([email protected])

點擊下圖重溫傻強嘅演出,以及睇下馮奕森嘅靚相:

安凌強壯四子。(TVB《開心速遞》電視截圖)
傻強一角已經被out三個多月。(TVB《開心速遞》電視截圖)
馮奕森同焦浩軒好老友。(ig@sarkisfung777圖片)
馮奕森都有演出《跳躍生命線》。(ig@sarkisfung777圖片)
佢同周嘉洛都好好朋友。(ig@sarkisfung777圖片)
馮奕森原來好大隻。(ig@sarkisfung777圖片)
今年5月29日係佢31歲生日。(ig@sarkisfung777圖片)